Verse & Gedichte

Mis Seckli?

Samichlaus du grosse Ma,

dörf ich ächt mis Seckli ha?

Ich bin ganz lieb xi s ganze Jahr

chasch mer s glaube da isch wahr.

Samichlaus ich hett en Wunsch

Samichlaus ich hett en Wunsch:

Wänn du dänn zu öis hei chunnsch

wett ich mit dir use gah

und e chli zum Esel schtah

wett sin Chopf i’d Arme näh

und em e chli z’Ässe gäh

Samichlaus du guete Maa

ändlich bisch du wieder da.

Chonsch cho luege, was ich mache

wien ich spiele, singe und lache.

Tuesch mich lehre, s’ Härz zverschänke

und e chli a anderi dänke.

Nur so bin ich sälber froh

unds Christchind cha zumer cho.

Es Liechtli brännt im Tannewald

Was söll äch das bedüte?

Chunnt ächt de Samichlaus scho bald?

Ich ghöre äs Glöggli lüüte.

Es isch de Chlaus mit schwärem Schritt

Chömed lueged gschwind

Er träit en Sack voll Nüssli mit

Für alli, alli Chind

Samichlaus, lueg uf em Tisch

s chliine Cherzli, wo det isch,

lüüchtet nume wäge dier.

Du und ich und alli mier

freuid üs, dass Chlausziit isch.

Und s chlii Cherzli uf em Tisch

seit, das ganz glii Wienacht isch.

De Samichlaus, de Samichlaus

De Samichlaus, de Samichlaus,

so tönts vo Huus zu Huus.

Gar mängem Chind chlopft s’Herz so fest

und luegt zum Fenster uus.

Jetzt polderets dur d’Stege-n-uuf,

was hed er ächt im Sinn?

Er treit en Sack so schwer und grooss,

was tuusigs isch da drin?

De Sack de nimmt er immer mit

für d’Chinde grooss und chlii.

De braave leert er d’Nusse druus,

die böse steckt er drii.

Oh du schöne Samichlaus

lueg mi emal a.

Weisch viel feini gueti Sache

wett ich als Gschenkli ha.

Samichlaus, ich bin so froh

Samichlaus, ich bin so froh, dass du hüt zu mir bisch cho.

Du weisch, ich tue gern Nüssli ässe.

Häsch mis Säckli nöd vergässe?